عيب يا معالي الوزيرة والله ..
بعتولي مجموعة شباب وبنات وناس كانت تستنى في اجراءاتها اتم…
في فترة السيدة الوزيرة كانت تحت التحقيق وفي السجن و السيد سلامة الغويل استلم وزارة الثقافة . اتم الاجراءات لعدد كبير من الموظفين والعديد من الناس الي كانت على الملاك الوظيفي .. وتسوية اوضاع .. ومشت امورهم. لوزارة الخدمة المدنية .. وقامت وزارة المالية بالافراج عن الدفعة الاول لكل الوزارات قرابة مئة الف افراج.. وناس تانية تستنى من بينهم موظفي الثقافة وبعض المتعيين الجدد
مشت الوزيرة وقفت كل شيء قالت لهم رجعوا خلي نراجعوا .وشن صار بعدي !
الناس كملت شغل بعدك يا معالي الوزيرة .. رجعوك للعمل كله بالاساس مخالف للوائح ! .. بري كملي الي واقف مازال ومكملوهش وكملي اجراءات الموظفين … وزارة الثقافة من اسوء الوزارات عملاً على الاطلاق .. بلاد متعرضة لكل بلية ومصيبة وخاشة علينا برامج من كل مكان .. خلي عندك موظفين ناشطين وعدلي اوضاعهم .. بدل خدمة البونتو..!! وسياسة الطز عيب اللي صاير هكي .. تتصارعوا ع الكرسي و المواطن صاحب العيلة و البنية الي بلا مرتي تدفع الثمن .!
قسم بالله الملف الي تفتحه .. حشاكم تقول فتحت باب .. شي يقهر لعند تقول الدولة شن تخدم.. بالضبط ؟!!
